英雄末路美人恩（曾焯文報導）
美艷女星、動物維權人士彭美拉安德信Pamela Anderson 今日去倫敦Belmarsh監獄探維基解密阿桑奇Julian Assange, 出來見記者，飲泣稱阿桑奇「無辜，係個好人，我愛佢。佢被人玩到殘，但仍然誓不低頭。而今情況嚴重，我地要救佢條命，繼續努力抗爭。太唔公平啦，佢為咗公開真相而犧牲自己。」彭美拉，花花公子雜誌模特兒，美國電視劇沙灘𥄫嘢女主角。一四年入厄瓜多爾大使館探阿桑奇，兩家撻著。霍士新聞德加卡爾遜Tucker Carlson話阿桑奇的死罪就係爆希拉莉黑電郵，攪到希拉莉選唔到總統。本報認為：如今救阿桑奇的唯一方法，係搵有力人士，求特朗普總統特赦阿桑奇，交換條件係阿桑奇盡爆希拉莉通中通俄犯罪證據。 否則以阿桑奇如今的健康狀態，不捱得幾耐。
特朗普如果能夠特赦阿桑奇， 一方面可以徹底剷除民主黨政敵，另一方面對自己同國家聲譽都都有幫助。一家便宜兩家著。何樂而不為？反之，美國如果係都要捉阿桑奇坐監，等於迫害爆料記者，又何異於中國？實有損大國聲譽。
上個月亞厄瓜多爾大使館移交阿桑奇畀英國警方。七年前瑞典以風化案通緝阿桑奇，阿桑奇為免引渡瑞典受審，藏匿厄瓜多爾大使館七年， 但其實瑞典早已撤銷控罪。如今阿桑奇因當年棄保潛逃，要在英國坐五十個禮拜監， 同時打官司反對引渡美國受審，罪名係網上偷竊美國軍事外交機密。
#assange #julianassange #pamelaanderson #chapmanchen #donaldtrump #hillaryclinton #maga #makeamericagreatagain #阿桑奇 #wikileaks #維基解密